Atualità
Le Museum Ladin organisëia escursciuns tla Val di Morins
Tratan l’isté mët a jì le Museum Ladin Ciastel de Tor a San Martin de Tor escursciuns acompagnades tla Val di Morins. La pröma escursciun gnarà metüda a jì en mercui, ai 29 de jügn.
Le Museum Ladin mët a jì vigni mercui, dai 29 de jügn ćina ai 7 de setëmber, n dé dla natöra y dla cultura ladina. Sön le program él dales 10.00 danmisdé na vijita al Museum Ladin Ćiastel de Tor y domisdé él preodü na escursciun tla Val di Morins. Dales 14.30 s’incunta les porsones interessades sön plaza de dlijia a Lungiarü por pié ia acompagnades da na porsona esperta a fà na roda di morins de presciapüch n’ora y mesa tla Val di Morins olach’al é da odëi indöt 9 morins che é gnüs restaurà da püch. Informaziuns plü avisa pon ciafè tl Museum Ladin a San Martin de Tor sot al numer de telefonn 0474 524020 o scrion n e-mail a chësta misciun: info@museumladin.it.USP
