Atualità
Scoles ladines: N possa se scrì ite te graduatoria nchin ai 14 de juni
LPA - Maestri che à ntenzion de se scrì ite l proscimo ann de scola tla graduatoria dla scoles elementeres, mesanes o autes de Gherdëina y dla Val Badia possa de jù la dumanda nchin ai 14 de juni 2007.
I maestri nteressei possa dé ju la dumanda per se nuté su te graduatoria dla scoles elementeres, mesanes o autes ladines tl secretariat dla singola direzions de scola al plu tert ai 14 de juni 2007. Ala dumanda ne val nia de bujën de junté pro documënc o atestac, l tleca scrì ora n’ autodetlarazion. Tla dumanda iel da dé dant la sënta dla scola elementera, mesana o auta de preferënza.
La graduatories provisores vën dates ora ai 25 de juni 2007. Contra la graduatories possa unì dat ite na retlamazion al diretëur de scola nchin ai 30 de juni 2007.
USP
