Atualità
Prutezion zevila per l Giro sun Plan de Corones
USP- 50.000 spetadëures se aspieten n lunesc ai 26 de mei sun Plan de Corones per la tappa dl Giro d’Italia. Per la gran massa de persones che se abina ie nce la Ripartizion provinziela de prutezion zevila n azion. Ëila mët a desposizion si tecnologia de comunicazion y lëura pea tla zëntrela de ntervënt.
“Per pudëi garantì la segurëza pra de tel gran manifestazions iel debujën dla esperienza, dl savëi y dla tecnica adateda”, à dit l presidënt dla Provinzia Luis Drunwalder, prim respunsabl dla prutezion zevila tl Südtirol. Dut chësc à la ripartizion de prutezion zevila, che ie njenieda a posta per tei caji. Duta l’autoriteies de protezion zevila y dl orden publch lëura per la tappa dl Giro deberieda te na sëula zëntrela de ntervënt per dé inant nfurmazions, rujené ora problemes y coordiné i ntervënc.
Sëuraprò ala culaburazion tla zentrela de ntevënt, mët la ripartizion de prutezion zevial a desposizion culaburadëures y aparac de comunicazion radio. Aldo de Hansperter Staffler, diretëur de ripartizon, ie la comunicazion danter la grupes de ntervënt, dantaldut pra de gran manifestazions te raions alpins sciche la tappa sun l plan de Corones, de mpurtaza fundamentela.
La spëises che vën a se l dé tes l ntervënt di culaburadëures dla protezion zevila vën curida dai uraganisadëures dla tappa dl Giro d’Italia.
as
