Atualità
Plates internet di assessëures provinziei
USP – Sun la homepage provinziela iel unì dedicà plates ai singuli cumëmbri dl Guviern provinziel. L vën tlo prejentà la cumpetënzes y la biografies, ma nce i fins y la minonghes n cont de argumënc d’uni sort da pert di assessëures.
Na udleda a chël che fej i singuli cumëmbri dl Guviern Provinziel possen da sën inant dé tres internet. La firma Südtiroler Informatik AG à njenià la strutura grafica y i singuli dipartimënc jonta la nfurmazions sun la plates nueves. Tres de plu rubriches possen mparé a cunëscer miec i ciamps de lëur y l lëur a uni di, ma nce velch sun la persona nstëssa dl presidënt dla jonta y di autri assessëures. “Ulon lascé cialé ite l zitadin te nosc lëur y pité n mesun de cuntat diret cun ël”, à dit l presidënt Durnwalder.
La plates ie juntedes pro ala sezion dedicheda ala Jonta provinziela (www.provinz.bz.it/landesregierung) ulache l ie nce publicà l program de guviern. Sun la plates di singuli assessëures ruven nce sce n jonta pro l cuinuem dl aministradëur al adres dla plates provinzieles. La plata dedicheda al presidënt per ejëmpl, ie da abiné dajan ite l adres www.provinz.bz.it/durnwalder. Tl cajo dl assessëur ladin, iel nce bele unì metù on line la verscion tla rujeneda ladina.
as
