Atualità
Cumerz oradecà, prim trimester 2008
USP – Aldò dl Istitut provinziel de statistica iel tl prim trimester 2008 uni fat n esportazion de marcanzia dal Südtirol per n valor de 833 milion de Euro. Chësc fej ora n aumënt de 15,6% permez al medemo tëmp tl ann passà. Chël che l ie unì menà ite tl Südtirol ie auzà dl 10,4% per n valor de 934,6 milion de Euro. L bilanz de cumerz mostra nscì su n defizit de 101,6 milions de Euro. Tl medem trimester dl ann passà fova l defizit mo de 126,3 milion y ie pona calà dl 19,6%.
Nfurmazion ASTAT – nr. 27/2008
USP
