Atualità
Butëighes daviertes nce da sëira
USP – Te 29 luesc dl Südtirol vën la butëighes d’instà nce tenides daviertes da sëira. Nsci sarala nce ti trëi luesc de Gherdëina. Cun l “shopping da sëira” vëniel dat mo plu vita a zëntri di luesc y dla ziteies ntan la sajon ciauda.
“La sëires da cumpré ite ie n servisc sëuraprò ntan l instà y nvieia la jënt dl luech y i fulestieres a jì tl zënter nce da sëira”, dij l assessëur per l cumerz Werner Frick. “Chësta scumenciadives di buteghieres ie de bon uedl ajache les judà a mantenì i luesc atratives per l cumpré ite.”La butëighes daviertes y vel program passatëmp cun mujiga, cultura, juech y gastronomia nvieia la jënt a jì tl zënter de bën 29 luesc. Chësc vëniel nce pità te Gherdëina: Te Sëlva de merdi y vënderdi (dal 22 de lugio al 22 de agost), a S.Cristina de lunesc y juebia (dal 28 de lugio al 21 de agost) y a Urtijëi de mierculdi y vënderdi (dal 16 de lugio nchin ai 29 de agost). La butëighes gëura ntan chisc dis dala 9 da sëira nchin mesa la 11, a S.Cristina gëureles bele da mesa la nuef.
La sëires cun la butëighes daviertes pieta nce ucajion de se ancunté y de scumenciadives sëuraprò ti luesc. La lista di luesc che pieta l “shopping da sëira” ie publicheda tl internet sun la plates dla lia di buteghieres www.verband.bz.it y nce sun la plates provinzieles www.provinz.bz.it/wirtschaft/4622.asp
as
