Atualità
Resultac dl Ejam de Maduranza tla scoles autes ladines
USP - Cuntënt di resultac arjonc pra l Ejam de Maduranza tla scoles autes ladines ie l Ntendënt Roland Verra. Duc i candidac ie passei; trëi ie passei cun l mascimo di ponc. Nce la cumiscions à laurà dastramp bën, nsci Verra.
La và de lecurdé che l Ejam de Maduranza tla scoles autes ladines à n urdinamënt particuler; i candidac possa crì ora de fé la prima prova scrita o per tudësch o per talian, ma pona muessi fé la terza prova scrita te chëla rujeneda che i ne ova nia cris ora.
Tl ejam a usc vëniel adurvà belau for duc i lingac dla scola, chël uel dì che tl Lizeo Linguistich da La Ila per ejëmpl possa l ejam tuché cin’ rujenedes y chësc possa nce valëi per l urientamënt Linugistich-turistich tl ITC Raetia de Urtijëi.
"La cumiscions à laurà cun gran mpëni y n muessa nce auzé ora la bona cualità de esposizion di lëures anjeniëi cà dai candidac sun argumënc de si vela", dji l´intendet Roland Verra.
I Ejames de Maduranza tla scoles autes ladines per l ann de scola 2007/2008 ie unic stluc jù regularmënter cun chisc resultac:
Scola d’Ert Cademia de Urtijëi:
15 candidac, duc passei,
100/100: Crazzolara Vanessa
ITC Raetia, Urtijëi:
11 candidac, duc passei.
ITC La Ila:
10 candidac, duc passei
100/100: Canins Corinne
Lizeo linguistich La Ila:
11 candidac, duc passei
100/100: Irsara Stefanie
SAN
