Atualità
N var inant per l ntreda tla Val Badia
USP - La Jonta provinziela de Bulsan à dat pro l proiet esecutif per l ntreda tla Val Badia n cont dla valutazion dl dann ambientel. Mierculdi ai 17 de setëmber vëniel sëurandà i lëures.
Sun la streda de Puster iel proietà de fé n tunel de 600 metri sota l Ciastelbadia y n puent sëura la Rienz. I lëures tl chemun de San Laurënz cumporta dantaprima l spusté dl ncrujeda per furné ite sun la streda dla Val Badia. Chësta ncrujeda vën spusteda y la streda unirà fat nchin pra l puent “Peintner”. La valutazion dl dann ambientel ie fineda via cun la delibra dla Jonta provinziela dl 15 de setëmber. I lëures de costruzion unirà sëurandai (duman) ai 17 de setëmber ala firmes Oberosler y Wipptaler Bau. Per l instà 2010 fejen cont de finé i lëures.
as
Galaria dales fotografies
L Ciastelbadia a S. Laurënz
