Atualità
Ntreda nueva ala Cësa de Paussa de San Martin
USP – La segonda Cumiscion per la defendura dla cuntreda à dat pro che vënie miureda la streda per ti ruvé permez ala Cësa de Paussa de San Martin de Tor passan per Luvara. Chësta decijion ie unida tëuta tla senteda de n merdi de chëst’ena.
La Cësa de Paussa „Ojöp Freinademetz“ a San Martin de Tor muessa unì renuveda y chisc lëures purterà truep muvimënt de mesuns pesoc tres l luech. Per chësta rejon à l Chemun da S.Martin udù dant de fé ora dl troi didatich Luvara na streda per mesuns pesoc cun lueges da astilé ora sun na lunghëza de 750 metri. Do che i lëures de ressanamënt dla Cësa de Paussa sarà finei, unirà la streda inò smëndrila a n troi zënza auti. La segonda Cumiscion per la defendura dla cuntreda se à damandà che la streda ne vënie nia afalteda. Canche l unirà pona inò tëut demez la streda muessa unì nverdià l rone, l guardrail muessa unì baratà cun na sief de lën. Tenian cont che la streda unirà inò tëuta demez à la segonda Cumiscion per la defendura dla cuntreda dat pro l proiet dl Chemun de San Martin.as
