Atualità
Co se prejenté cun suzes
USP – Feter duta la cunferënzes vën aldidancuei fates cun na prejentazion multimediela. Co che n possa prejenté cun suzes adurvan l program de computer “Powepoint”, vëniel nsenià da pert dl Ufize provinziel per media audiovisuei te n curs che scumëncia ai 21 de utober. La dumandes per l curs che ie debant, vën bele piedes do.
Chi che uel ti de n majer pëis ala paroles rujenedes y che uel dé na nfurmazion sëuraprò te na forma visiva, se nuzea for de plu de na prejentazion. Majera pert adrova l program de computer “Powepoint” per chësc cajo. Tl curs dl Ufize provinziel per media audiovisuei vëniel nsenià co che n possa fé prejentazions garatedes per scola y mestier che arjonj nce l publich.
L curs tenì da Michael Patrieder ie for de merdi, dal 21 de utober nchin ai 4 de nuvëmber, dala 14.30 nchin la 18.00, tla sënta dl Ufize provinziel per media audiovisuei, tla cësa provinziela 7, streda Andreas Hofer 18 a Bulsan. Tlo vëniel nce tëut su la iscrizions, che n possa nce fé tres telefonn al 0471 412915 o tres la e.mail av-medien@provinz.bz.it y tres internet sun la plates www.provinz.bz.it/av-medien/wb.
as
