Atualità
Video de nfurmazion sun la veles
USP – N dumënia 26 de utober vën lità l Cunsëi provinziel nuef. Duta la nfurmazions de chi che possa lité, i orars can che n possa lité y i documënc che n muessa tò pea, vën prejentei tres n video tl internet.
Chi che uel se fé n cheder de co che l vën lità, possa a na maniera drët scëmpla se cialé n video publicà sun la plates provinzieles tl internet sota tla rubrica www.provinz.bz.it/usp “video online”.
Te n menut y mez vëniel dat la nfurmazions prinzipeles, sciche i orars, chi che posssa lité, i documënc da tò pea o co che n possa fé sce n se à perdù l documënt de vela. Tl video possen nce udëi co che cëla ora la zedula da lité, coche n litea la lista y nce la cater stimes de preferënza.
as
