Atualità
Veles provinzieles: finà de cumpedé dala 14.30
USP – Dala 14.30 iel unì finà de cumpedé ora la stimes dla veles provinzieles 2008. Duta la comunicazion tecnica ie jita bën y zënza dificulteies. De gra ai presidënc dla sezions ie i resultac unì dai tres drët aslune cun l BalckBerry.
I prim resultac ie bele unì dai tres dala 7.30 y me set ëura do, da mesa la trëi ova bele duta la 488 sezions finà de cumpedé la stimes. L cumpedé ora y l dé tres i resultac cun l BlackBarry à drët butà y l ne ie stat degun problems o ntardivamënc. L merit dla bona funzionalità ie dantaprima di presidënc dla sezions de vela, che à dat tres i resultac aslune y zënza fai. Śën vëniel mo cuntrolà tres i resultac y aspità l bënsté dla cumiscion eletorela.
Drët bën iela nce jita tl zënter stampa dl Ufize stampa provinziel n l aiut tecnich d’autri ufizies provinziei. I giornalisć à pudù ti sté do ai resultac de vela proietei y sun i computer. La televijions y i radio à giapà lerch adateda per pudëi fé trasmiscions dal vif.
as
