Atualità
Co adurvé Blue Tooth, MMS y video sun l handy
USP – Chi che adrova si handy me per cherdé su dëssa savëi che l adrova me na pitla pert dl potenzial de si aparat. Ce pusciblteies che n à zënza mo cun l handy, vëniel mustrà te n curs dl Ufize provinziel per media audiovisuei ai 25 de nuvëmber. N possa bele sën se lascé nuté su.
Tl curs dl Ufize provinziel per media audiovisuei mperen n iede a adurvé l sistem de dé inant nfurmazions tres Blue Tooth. Sambën che l handy che n à pea muessa avëi chësta funzion. L vën pona mustrà co che n possa fé fotografies y video cun l handy, y pona les desćiarië sun l computer. L vën nce mustrà co che n possa ji tl internet cun l handy o co mandé n MMS.
L curs dal titul “Handy-Praxis” cun Christian Platzer vën tenì merdi 25 de nuvëmber dala 14.30 nchin la 18.00 tl Ufize provinziel per media audiovisuei, cësa provinziela 7, streda Andreas Hofer 18 a Bulsan. Tlo possen nce se lascé nuté su (tel. 0471 412915; e-mail: av-medien@provinz.bz.it; Web: www.provinz.bz.it/av-medien/wb).
as
