Atualità
Piedies de lores tla Val d’Isarch auta
USP – Tl raion de Sterzing iel na lores ncantëur. Chësc vën fat al savëi dal Ufize provinziel per ciacia y pië pësc. Do la lores che à bonamënter passà l inviern sun l Jëuf Gampen, fossa chësta la segonda lores tl Südtirol. Aldò dla nfurmazions dl Ufize provinziel dëssel vester n tier speve che ne gauja nia gran problems.
Te chësc mumënt ie l Servisc provinziel per la ciacia a Sterzing sun l post per analisé la situazion. L’autorità de ciacia ie dla minonga che la lores che à lascià piedies tla Val d’Isarch auta à passa l inviern tla valeda de Stubai. Chësta lores ne à aldò de nfurmazions nia zarà tieres de cësa y fuià te castli dal’eves.
Sce l ëssa mpomo da unì a se l dé vel dann per via dla lores, damanda l Ufize provinziel per la ciacia de l fé riesc al savëi (Tel. 335 8489867). Chësc dantaprima acioche la Provinzia possa aldò dl plann per l mantenimënt dla lores tl’Elpes urienteles, paië ora chëi che ëssa da avëi dann per via dla lores.
as
Galaria dales fotografies
