Atualità
Servisc zevil: dumandes per giapé ulenteres nchin ala fin de lugio
USP – Nchin ala fin dl mëns possa urganisazions se scrì ite tla lista per giapé ulenteres dl servisc zevil. A livel naziunel vën alincontra nchin ai 27 de lugio publicà l cuncors per ulenteres.
Urganisazion che adrova ulenteres dl servisc zevil possa se scrì ite pra l Ufize provinziel per cuestions de cabinet. Chësc vel nchin vënderdi 31 de lugio. Duta la nfurmazions plu avisa y la documentazion che toca leprò ie da giapé tl Ufize per cuestions de cabinet, tla cësa provinziela 1 (terzo partimënt) a Bulsan. Per pudëi nciarië ulenteres dl servisc zevil iel debujën de vester scrit ite te chësta lista.
Nchin lunesc, 27 de lugio uniral a livel naziunel publicà l cuncors per giapé ulenteres dl servisc zevil danter 18 y 28 ani. Te chësc cuncors iel nce 20 proiec dla Provinzia de Bulsan tl ciamp dl cumpaniamënt, cura, ambient, cultura y educazion. Per chisc proiec ie udù dant 114 ulenteres.
Nfurmazions plu avisa giapa la urganisazion tl Ufize provinziel per cuestions de cabinet, telefonn 0471 412036, e-mail zivildienst@provinz.bz.it. Nce sun la plates provinzieles tl internet iel da giape nfurmazions sun l servisc zevil ulenter.
as
