Atualità
Nomines nueves tla scola ladina
USP - L ntendënt ladin Roland Verra lascia al savëi che cun l ann de scola 2009/2010 saral tla scolina ladina per l prim iede na ispetëura, Edith Ploner. Ispetëura dla scoles elementeres, mesanes y autes sarà Rosmarie Crazzolara.
Sëuraprò a si ncëria de nseniamënt sarà inant Iaco Frontull ispetëur de religion.
"A chësta maniera possen dì che l vën renfurzà dassën l servisc ispetif, velch che va debujën, sce n tën cont che l ie da mëter ndrova la ndicazions provinzieles nueves per la scolina, la scola elementera y la scola mesana y che la va de se anjenië ca per lauré ora la reforma dla scola auta", nsci Verra.
Diretëura nciarieda dla scolines ladines sarà Hannelore Insam. Ntan l ann de scola 2009/2010 sarà l ITC “Raetia” de Urtijëi tla mans de Bruno Senoner.
Do avëi fat dumanda de trasferimënt, sarà Otto Moling a cë dla direzion raionela de Al Plan de Mareo.
SAN
