Atualità
Truepa plueia de agost – prësc inò ciaut
USP – Do l gran ciaut de lugio à l tëmp de agost mudà defin. Dantaldut ntan i ultimi dis al pluët truep, te vel luesc mo n tant che zënza ntan dut l mëns de agost. Aldò dla zentrela per l tëmp dëssel inò unì ciaut.
Dantaldut a ovest dla provinzia al pluët l plu. Danter la Val Venuesta y l Unterland al pluët passa 150 litri per meter cuadrat.
La bilanz dla plueia sun dut l ann ie purempò negativa. “A Bulsan al pluët 15% demanco permez ala media di ani passei” dij l metereologh Dieter Peterlin. L bur tëmp à sferdà ju, ma ntan i proscimi di sciauderal inò ite dassënn.
as
