Atualità
Ai 4 de setëmber gëura l raion de paussa Bagn Rumestluns a La Val
USP – N sada ai 4 de setëmber uniral giaurì l raion de paussa Bagn Rumestluns a La Val. La funtana de ega minerela pra la ustaria Al Bagn ie unida trasfurmeda te n raion de relax.
Ora de feter diesc funtanes dal’ega minerela de valor storich iel tla provinzia de Bulsan unì fat, n puech al iede, raions de paussa. Sun ncëria dl Ufize provinziel per la gestion dal’eghes iel dl 2009 unì scumencià chisc lëures pra la funtana de Taufer sëura Tscherms y pona jit inant tla valeda de Ulten. A La Val vëniel śën giaurì l raion de paussa pra i Bagn de Rumestluns, che ie sun la streda per Lunz.
La giaurida cun l assessëur provinziel al ambient Michl Laimer ie n prugrameda per
sada 4 setëmber
dala 10 danmesdì
pra i Bagn Rumestluns
daujin ala ustaria Al Bagn
a La Val.
Centeneies de ani ie i Bagn Rumestluns stai banies drët priejei dai paures di luesc ladins. L’ega de Rumestluns univa priejeda dassënn per si fazion contra l rheuma y l degun apetit. D’instà 2009 iel unì pià su l’ega da nuef y fat doi calons dal’ega nchin tl raion de paussa nuef.
Pra la festa de giaurida saral nce mujiga y la puscibltà de ciarcë l’ega.
I Bagn Rumestluns ie a 1 chilometer da La Val de viers de Lunz. Do l luech, iel da furné feter 1,5 chilometri nchin pra l ncrësc per la ustaria Al Bagn. L raion de paussa ie daujin ala ustaria.
as
