Atualità
Museum Ladin gëura ai 3 de setëmber si verzon nuef
USP – L Museum Ladin a S.Martin de Tor prejënta n vënderdi 3 de setëmber dala 6 da sëira si verzon nuef. Dala 7 da sëira uniral prejentà i prudoc dl marcià rëidl che ie da giapé tla ustaria dl Museum.
Dan che l ie unì fat n museum tl Ciastel de Tor, vivova tlo families da paur. I verzons a messù fé lerch canche l ie unì cumedà su l ciastel. Diesc ani do che l ie unì giaurì l museum iel śën inò unì fat n verzon dala verdura. N à sentà ite verdura tradiziunela y sortes de blava, n à fat sieves de lën y na maniera de mustré su la vita da zacan. I lëures ie unì fai n culaburazion cun la stazion dla forestela.
Giuseppe Miribung, culaburadëur dl Museum, prejenterà n vënderdi l verzon cun si ierbes y plantes. Andreas Dellago, dla butëiga dl mond a Urtijëi spiegherà la pruvenienza y co che possa unì adruvei prudoc manco cunesciui sciche Quinoa, Amaranth, Guaranà, Mate y Rooibos. Ai vijitadëures uniral pità da ciarcë i prudoc dl marcià rëidl y ora dl verzon nuef.
as
