Atualità
Jonta provinziela: statuc y cunsëi dl TIS
USP – la Jonta provinziela à ncuei (25 utober) dat pro i statuc y tl medemo tëmp nce l cunsëi nuef dl zënter de tueda y inuvazion TIS (Techno Innovation South Tyrol). Reprejentanta ladina tl cunsëi de aministrazion ie Manuela Nocker de Gherdëina.
Aldò di statuc nueves dai pro dai assessëures provinziei devënta la TIS na sozietà “In-House”, defin publica. Dant fova bele l 60,28% dla Provinzia.
L cunsëi de aministrazion ie unì smendrì da 7 a 6 cumëmbri. La Jonta provinziela à l dërt de numiné cater reprejentanc. Chisc ie Andrea Zeppa (diretëur dla repartizion provinziela per lëur y inuvazion), Ulrich Stofner (diretëur BLS), Nikolaus Tribus (cunselier de Università) y Manuela Nocker (cunseliera de Università). La Jonta à fat la pruposta de Tribus sciche presidënt che unirà pona lità dal cunsëi. Reprejentant dla Camera de cumerz de Bulsan ie si presidënt Michl Ebner. Mario Carlini reprejënta l Chemun de Bulsan.
L zënter per tueda y inuvazion TIS lëura nce deberieda cun firmes. L budget a desposizion ie de 100 milion de euro.
as
