Atualità
Dantercëpies y Resciesa tla Cumiscion per la cuntreda
USP – L raion da jì cun i schi Dantercëpies y la utia de Resciesa ie n merdi, 26 de utober unì tratei dala segonda Cumiscion provinziela per la cuntreda. Al orden dl di fovel de ndut 18 proiec publics y privac.
Per miuré la segurëza sun l purtoi da jì cun i schi uel la sozietà dla furnadoia de Dantercëpies, te Sëlva, fé de mplu ntervënc. Un proiet ie unì tratà dala segonda Cumiscion provinziela per la cuntreda. La se trata de na rë contra i sasc de 40 metri de lunghëza y trëi metri de autëza. La cumiscion ne à nia azetà l proiet, se damandan na miëur soluzion dal pont de ududa tecnich y dl cialé ora. „Chësc pudëssa vester per ejëmpl na bercia (Damm)“ à dit l presidënt dla cumiscion Adriano Oggiano.
A una ie la cumiscion stata per l proiet de varianta per fé su da nuef la utia de Resciesa, tl Chemun de Urtijëi. Sun chësta utia tl Parch Naturel Puez-Odles y raion „Natura 2000“ uelen fé n mplant fotovoltaich. La cumiscion provinziela à dat pro l proiet dl Chemun de Urtijëi che vëij dant panei che ne fej nia reflescion.
as
