Atualità
Durnwalder: “cun Benedikter se n ie jita na figura zentrela dla storia dl’autonomia”
USP – “Alfons Benedikter ie stat una dla figures zentreles dla storia dl Südtirol ti ani do la segonda gran viera, n architet dl’autonomia y pere de nosc sistem urbanistich” cun chësta paroles lecorda l presidënt dla provinzia Durnwalder Alfons Benedikter che ie stat passa trënt ani assessëur dla Jonta provinziela de Bulsan.
Cun la nutizia da mort de Alfons Benedikter (92 ani), gran uem che à fat na bela pert tla storia dl Südtirol y svilup dl’autonomia, à l presidënt Luis Durnwalder mandà n cunduel da pert dla Jonta provinziela a chëi de familia. Nce sce nia for dla medema minonga, ie Benedikter stat feter trënt ani vizepresidënt de Silvius Magnago y deberieda ai frabicà su la cësa dl’autonomia. “Südtirol à abù la gran fertuna de pudëi te tëmps dassënn critics, se stizé politicamënter sun doi persunaliteies straurdineres, che cun si mpëni, de gran cualiteies de mené tratatives, à dat na nota de basa per l’autonomia” à detlarà Durnwalder.
as
