Atualità
Candidatura per la capitela culturela 2019
USP – La Provinzia de Bulsan fej pert dla cumité de candidatura dl Nord-urient dla Talia a deventé capitela culturela europea tl ann 2019. La Jonta provinziela à ncuei (22 nuvëmber) mo n iede dat pro chësta candidatura udan nce dant la lerch da se prejenté y rujené pea per la grupa de rujeneda ladina.
Tla senteda dla Jonta provinziela se ala ncuei lunesc tratà de fé pea la candidatura sciche partner dl Veneto Friuli y Trentin, cun l medem dërt de dezijion. “Per Südtirol fossa l recunescimënt a capitela culturela na gran ucajion per se prejenté sciche raion de sëida ulache la grupes de rujeneda cunvif bën deberieda” à detlarà l presidënt Durnwalder riesc do la senteda dla Jonta. Nce la grupa de rujeneda ladina dëssa giapé si usc a tò dezijions. N cajo de azetanza a capitela culturela dëssa nce i ladins giapé si lerch per se prejenté.as
