Atualità
SEL à giapà la cunzescion per la zentrela dla strom Töll
USP – La cunzescion dal’ega per la zentrela dal strom Töll, sëura Maran, ie ruveda tla mans dla sozietà SEL. La Jonta provinziela à ncuei (22 setëmber) sëurandat la cunzescion aldò de de plu valutazions.
Tla zentrela dal strom Töll danter Algund y Parcins vëniel fat na produzion de 146.000 chilowatt/ëura al ann cun na forza de 16.786 chilowatt. Dal Adesc vëniel avisà ora n mesaria 24.000 litri de ega al secunt cun na mesura mascima de 35.000 litri al secunt. Aldò de chisc bon valores tecnics iel nce stat n gran nteres per la cunzescion. Damandà a la SEL, i Entschwerke, l’ENEL, EDISON y i Stadtwerke de Persenon. “Da plu ponc de ududa à la SEL prejentà i miëur proiec n cont de produzion de energia y di proiec ambientei, perchël ti ons ce sëurandat la cunzescion” à detlarà Luis Durnwalder. La SEL à udù dant proiec ambientei per na soma 25% majera permez a chëi di Stadtwerke de Persenon, segondi te graduatoria. N bënsté positif per la SEL à nce dat de plu ufizies provinziei y i chemuns che va a sëida.
Da pert dla Jonta provinziela se aspieten śën n recurs dai Etschwerke y perchël se damanden na culaburazion cun la SEL n cont de produzion de strom y nce dla strutures per la spartizion dl’energia. Na tel culaburazion purtëssa aldò dl Presidënt dla Provinzia vantajes per tramedoi sozieteies, y ai tlienc, n pratica a duta la populazion.
as
