Atualità
Stiera da diretëura/diretëur tla scolina ladina
USP – L’aministrazion provinziela à scrit ora n cuncors per la stiera da diretëura/diretëur dla scolines ladines. La dumandes per fé pea l cuncors possa unì mandedes ite nchin mierculdi 29 dezëmber tl Ufize de urganisazion dla Provinzia de Bulsan.
La stiera per mené la direzion dla 17 scolines ladines muessa unì curida da nuef. Chësta direzion per l’atività de scolina cun de ndut 745 sculeies, fej pert dla repartizion provinziela per la Scola y Cultura Ladina, y nsci nce dla Ntendënza ladina.
L Ufize provinziel de urganisazion à scrit ora n cuncors che ie unì publicà tla gazëta ufiziela dla Region, edizion 46 dl 29 nuvëmber (IV pert). Per nfurmazions plu avisa sun la cundizions damandedes possen tò su cuntat cun l’ispetëura Edith Ploner al 0471-417005.
Nteressei possa mandé ite la dumanda al cuncors nchin al plu tert n mierculdi 29 dezëmber 2010, dala cinch domesdì al Ufize de urganisazion. Chësc ufize ie tl terzo partimënt dl palaz Widmann, streda Crispi 3 a Bulsan.
as
