Atualità
Jonta: scines dl Prëner saredes d’agost 2012
USP - La Jonta provinziela à (ncuei) ai 13 de dezëmber dat pro l saré dla scines danter Dispruch y l Prëner per via de lëures de manutenzion. Sun pruposta dla ferata d’Austria unirà l muvimënt dla ferata sun chëst toch fermà defin de agost 2012 y ntan trëi mënsc puderan me furné sun una dla doi scines.
Sun 32 chilometri muessa la scines unides fates da nuef. “La Jonta provinziela ie a una de fé chisc lëures ajache l ie nce na cuestion de segurëza per la persones” à dit l presidënt Durnwalder tla cunferënza stampa do la senteda dla Jonta. Nsci a i assessëures azetà che per fé chisc lëures vën l muvimënt dla ferata fermà ntan dut l mëns de agost 2012. Ntan chësc mëns uniral pità n servisc de curieres. Dla doi scines danter Dispruch y l Prëner unirà una sareda de juni, lugio y setëmber 2012. L trasport de marcanzia cun la ferata messerà astilé ora l Prëner passan per Tarvisio (provinzia de Udin) y n pert nce tres la val de Puster. I assessëures provinziei ie dla minonga che chësta soluzion ie da azeté y che a chësta maniera vëniel fat dut l puscibl per ti unì ancontra ala jënt.
as
