Atualità
Ancunteda cun gestëures dla uties da mont
USP – La Jonta provinziela à te si senteda (da ncuei) dl 10 de jené nciarià si presidënt de se ancunté cun i gestëures dla 24 uties dl CAI che ie passedes de avëi ala Provinzia, per stlarì cuestions de dërt.
Davia che l ne fova nia stat mesun abiné na forma adateda per mëter a jì da nuef la gestion dla uties dl CAI che ie cun l prim de jené 2011 passedes ala Provinzia, ti iel ai gestëures unì pità de jì inant un n ann cun la cundizions da dant. Davia che l ie unì su plu melsegurëzes per via de cuestions de assegurazion y de dërt se ancunterà l presidënt Luis Durnwalder tla proscima enes cun i gestëures per stlarì la cuestions.
Cun reprejentanc dla lies da mont AVS y CAI se ancunterà l presidënt dla Provinzia nce per traté l daunì dla uties de mont y modiei nueves de gestion. Nce chësta tratatives ie ududes dant tla proscima enes.
as
