Atualità
Priorità al svilup de raion y mantenì la populazion ti chemuns
USP – L plann se svilup de raion y de urbanistica LEROP dëssa unì njenià nchin da Pasca. Deberieda cun pruvedimënc contra l smëndri dla populazion ti luesc, ie chëstes doi prioriteies per i proscimi mënsc che la Jonta provinziela se à tëut dant (ncuei) ai 10 de jené.
Na pruposta dl Lerop (Landesentwicklungs- und Raumordnungsplan) dëssa unì anjenieda per pité na basa de descuscion cun i chemuns y la pertes nteressedes nchin da Pasca. La Jonta provinziela se à tëut dant chësta data per pudëi pona fé cont che l documënt possa unì dat pro nchin ala fin dl ann. Chësc plann ie n pont de referimënt drët mpurtant n cont de diretives de svilup per l daunì.
Priorità ti à la Jonta provinziela nce dat ai chemuns che resieia de smendrì si populazion. La se trata de anjenië pruvedimënc da cajo a cajo per sustenì l svilup. “Fajon cont cun pruvedimënc che reverda la stieres, la cualità de vita y la culaburazion danter i chemuns” à dit Durnwalder te cunferënza stampa. Per uni chemun iel debujën de programs spezifics per l svilup dl luech, per i zitadins y acioche i ne muessa nia jì a viver nzaul d’auter.
Tla provinzia de Bulsan iel feter vint chemuns che vën cunsciderei tl pericul de pierder cumpëida de populazion. L ie raions da na pert ora, riei da arjonjer cun me puecia pusciblteies de lëur. Per ti vester a chësc fenomenn se damanda la Jonta nce la culaburazion di chemuns.
as
