Atualità
Cumiscion tecnica azetea l proiet dla scoles a San Martin
USP – L proiet de ressanamënt y mëter adum la scola mesana cun la scola elementera a S. Martin ie unì azetà dala cumiscion tecnica dla Provinzia de Bulsan.
Te si senteda dl 24 de jené (inier) à la cumiscion tecnica dla Provinzia azeta l zënter tecnologich a Bulsan. Lum vërda iel nce unì dat per na scola a Bulsan y per l proiet a San Martin de Tor.
L Chemun de San Martin ova mandà ite la verscion esecutiva per ressané y mëter adum la scola mesana y la scola elementera. La cumiscion cun si presidënt Paolo Bellenzier à azetà chësc proiet da pont de ududa tecnich. L proiet dl architet Otto Irsara vëija dant n custimënt de ndut 2.946.466 euro. Aldò dla valutazion tecnica iel mo debujën de n bënsté per manifestazions publiches y de pruvedimënc che respete la normes atueles de meldefuech. L custimënt ie unì valutà de mesura adateda al proiet.
as
