Atualità
Tofles nueves pra i parcs naturei
USP – I set parcs naturei dl Südtirol giapa pra si ntredes prinzipeles nueva tofles de nfurmazion. Ntan l fin dl’ena se à l assessëur Laimer fat n cheder dla situazion tl parch dla Drei Zinnen.
La tofles panoramiches nueves ie pra l parch dla Drei Zinnen unides metudes su tla valeda de Innerfeld a Innichen/San Ciana, a pié ite tla valeda Fischlein a Sexten y pra l lech Dürren tla valeda Höhlenstein a Toblach. La tofles de 2,7 metri per 1,8 metri mostra na foto che fej marueia, cun l titul dl parch. La tofles che ie unides metudes su tl parch dla Drei Zinnen, tl parch Fanes-Sennes-Braies, Puez-Odles y Scilier-Rosengarten, à sëuraprò mo na scrita che reverda la Dolomites sciche patrimone naturel UNESCO.
Ti set parcs naturei, se tratel de ndut de 30 tofles te 25 chemuns che à dutes n’autra foto.
as
