Atualità
Acurdanza per miuramënc dl culegamënt de fonins
USP – L’ena passeda ova la Jonta provinziela damandà miuramënc dl culegamënt de fonins y puec dis do iel stat n’ancunteda di respunsabli dla Telecom cun l presidënt dla provinzia. Ncuei, 14 de fauré, iel unì cunedì de n’acurdanza sun prim pruvedimënc.
“La sozietà Telecom à riesc respundù a nosta usservazion y à segurà de plu ntervënc”: chësc à l presidënt Durnwalder fat al savëi tla cunferënza stampa riesc do la senteda dla Jonta. Tl’ancunteda cun i respunsabli Telecom, stata l palaz Widmann a Bulsan, iesen ruvei a una sun de plu pruvedimënc udui dant mo per chësc ann. I programs vëija dant 12 ativazion nueves UMTS y 16 ativazions nueves GSM. Sëuraprò dëssel mo unì fat miuramënc te 43 stazions.
Durnwalder à fat al savëi che ntan i proscimi dies dis dëssa ruvé na cherta cun la posizion apuntin dla strutures per udëi miec cie che possa o fé la Telecom y cie che possa fé la Provinzia. Tl’ancunteda a Bulsan iesen nce stai a una de miuré i culegamënc per fonins ti tuniei.
as
