Atualità
Spezificazions per la scoles autes de rujeneda taliana
USP – La Jonta provinziela à udù dant la scoles autes de rujeneda taliana ulache l vën pità na furmazion particulera che reverda la mujiga, sport, rujenedes y alimentazion. Duta chësta spezificazions tl cheder dla reforma dla scola auta, unirà d’autonn pitedes a Bulsan.
La spezificazions crisses ora dala Jonta provinziela vën pitedes sëuraprò a la variazion de ëures che uni direzion possa pité te si autonomia de 20% dl ëures. L’ena passeda ova i assessëures provinziei dat pro chësta spezificazions per la scoles autes de rujeneda tudëscia, chëst iede per chëles de rujeneda taliana.
Duta cater spezificazions unirà pitedes a Bulsan. La furmazion spezifica dedicheda ala rujenedes unirà piteda tla scola "Marcelline", la spezificazion de mujiga tl lizeum de scienzes umanes "Pascoli", sport tl lizeum scientifich "Toniolo" y la furmazion dedicheda particularmënter al’alimentazion tl lizeum dla scienzes umanes "Pertini".
as
