Atualità
Jonta a una per la pruposta de lege sun l’imigrazion
USP – De plu sentedes iel stat debujën per lauré ora la cuestions tachedes al’imigrazion, (ncuei) ai 21 de fauré à la Jonta provinziela dat pro la pruposta de lege prejenteda dal assessëur Bizzo. N spera che l Cunsëi provinziel posse mo dé pro chësta lege dan la fin dl ann.
La pruposta de lege vëija dant na regulamentazion per scola y soziel, cuatieres, ntegrazion, l rujené pea y pruvedimënc contra la discriminazion. La pruposta per zitadins che ne vën nia dal’Europa se stiza sun prinzip de judé y damandé, udan dant i dërc di imigrei, ma nce si ublianzes.
Cun l bënsté dla Jonta provinziela vën la pruposta de lege data inant ala cumiscion legislativa dl Cunsëi provinziel. “Fajon cont che la pruposta vënie trateda d’autonn tl Cunsëi y speron che la possa mo unì data pro ntan chësc ann” à dit Durnwalder.
as
