Atualità
Prinzip nuef per l plann di mplanc portamont
USP – Tl plann provinziel di mplanc portamont dëssel unì purtà ite cunzec y nia me plu na rissa ulache l possa unì fat l lift o la furnadoia. La Jonta provinziela à (NCUEI) ai 28 de merz dat pro de lauré ora diretives nueves per l’atualisazion dl plann.
Chëst ann, 10 ani do l’ultima verscion, muessa l plann provinziel di mplanc protamont unì laurà ora da nuef. Per smendrì burocrazia y arjonjer plu efizienza à la Jonta provinziela dat pro de mudé l prinzip de co che l vën planificà mplanc y purtoies.
Mpede na rissa stara tl plann, che ntan la realisazion se damandova for inò dumandes de variantes, uniral me plu ntegrà cunzec. “La se trata de udëi dant cunzec ntieres cun ideies, bujëns, lueges dai auti y nia la mesura avisa de uni singula raida” à spiegà l presidënt Durnwalder do la senteda dla Jonta.
La diretives plu avisa co che chisc cunzec dëssa unì purtei ite tl plann di mplanc protamont y di purtoies, unirà lauredes ora ntan la proscima enes.
as
