Atualità
Azetà la ntreda nueva per la Val Badia
USP – La Jonta provinziela à azetà l ejam de dann ambientel per la ntreda nueva dla Val Badia a S.Laurënz. Chësc à fat al savëi l presidënt dla provinzia (NCUEI) ai 28 de merz, riesc do la senteda dla Jonta.
Per ruvé da Puster tla Val Badia uniral fat na streda nueva che astila ora la cëses de S.Laurënz. La cumiscion de valutazion de dann ambientel à analisà la varianta tlameda “Klosterwald”. Dala pert dla Val Badia muev l culegamënt nuef dedora da Mantëna Todëscia (Montal), tl raion Aue, ulache l ie la pumpa dal penzin. Tlo iel udù dant n tunel de feter 1 chilometer per ruvé ora a man ciancia de S.Laurënz. L muvimënt di auti unirà pona menà sun n puent de 80 metri sëura la Rienz che unirà tacà ite a na ncrujeda a doi partimënc. Chësta ncrujeda, cun na pert curida, danter la streda de Puster y la streda dla Val Badia unirà fata curt dan l tunel nuef che mëina sota l Ciastel Badia, sce n vën dala Val de Isarch ie.
L proscimo var per la ntreda nueva tla Val Badia sarà de lauré ora l proiet esecutif.
as
