Atualità
Mussner prejënta la realtà ladina al'Ambasciata britanica
USP – Co che l vën curà y mantenì la rujeneda y cultura ladina nteressea nce l’Ambasciata britanica. L assessëur Mussner à (NCUEI) ai 31 de merz prejentà la realtà ladina a Andrew Jacksen, culaburadëur dl ambasciata a Viena.
Andrew Jacksen se à tl’ancunteda cun l assessëur provinziel ladin a Bulsan dantaprima nteressà dla posizion che la grupa de rujeneda ladina à per l’aministrazion provinziela. La reprejentanza tla Jonta provinziela y la situazion finanziera che lascia pro n bel sustëni al’ativiteies cultureles à caraterisà l barat de nfurmazion. Per l’Ambasciata britanica a Viena iel de nteres a cunëscer miec la realtà tl Südtirol, la maniera de cunviver dla grupes de rujeneda y mparé a cunëscer la persones de referimënt.
Te chësta ucajion à l assessëur ladin pudù prejenté coche ie struturedes la istituzions ladines cun l Departimënt provinziel de educazion y cultura ladina, l Museum ladin, l Istitut Ladin Micurà de Rü y la repartizion ladina dl’università. La rujeneda y cultura muessa dantaldut unì vissuda dala jënt y nsci iel nce unì rujenà dla gran atività dla lies sun basa ulentera. Nteres particuler à Jacksen pona nce mustrà per la prejënza dla rujeneda ladina tla televijion, radio, zaites y tl internet.
as
