Atualità
Coordinazion per l’ancunteda di alpini 2012
USP – Pra l’ancunteda di alpini, n auter ann d’ansciuda a Bulsan, se aspieten che l vënie adalerch 400.000 persones. La Jonta provinziela ie una de judé pea pra chësta gran manifestazion, ma se damanda nce la coordinazion aldò.
“La Jonta provinziela ie a una cun la gran ancunteda di Alpini a Bulsan, ma davia che l vën adalerch feter tan de jënt sciche la cumpëida dla populazion provinziela, damandons che l vënie nce njenià ca dut chël che ie debujën” chësc à fat al savëi l presidënt dla Provinzia (NCUEI) ai 04 de auril, riesc do la senteda dla Jonta. I urganisadëures dl’ancunteda dl 12 de mei 2012 ie dantaprima l’assoziazion di alpini ANA. Davia che chësta ancunteda unirà fata tla zità de Bulsan y nia ora de zità sciche te d’autra ucajions, iel de bujën de vester anjeniei per tan na gran cumpëida de jënt. I assessëures à fat la pruposta che l chemun de Bulsan se sëurantole la coordinazion de chësc gran avenimënt.
La Provinzia sëurantulëssa i servijes de prutezion zevila y de prim aiut. Nce sce gran pert dl finanziamënt dëssa unì curì tres l Chemun de Bulsan, à Durnwalder sorissà che nce l assessorat provinziel ala cultura taliana dajerà n si sustëni.
as
