Atualità
Cuntroi per cuatieres soziei
USP – Davia che ultimamënter iel stat descuscion publica n cont di cuntroi de cuatieres soziei, se à (ncuei) ai 11 de auril nce la Jonta provinziela dat ju cun chësc argumënt. I 200 cuntroi che vën fai ann per ann, ie aldò dl presidënt dla provinzia, assé.
“L ne sarà mei puscibl astilé ora uni fal, ajache uni persona possa se falé, ma messon garantì che l ne suzede nia de gran fai” à dit Durnwalder do la senteda dla Jonta. Che i cuatieres soziei vënie nce abitei dala persones che i à giatei, testemunieia uni ann 200 cuntroi. Sëuraprò vëniel per lege cialà do 6% de duta la dumanedes de sustëni che vën fates ala Provinzia. La Jonta provinziela ie stata dla minonga che chisc cuntroi muessa basté, che n ne dëssa nce tl daunì cialé do tres i mesuns dla Provinzia y nia sëuravaluté chësc problem cherdan la polizai per fé i cuntroi.
as
