Atualità
Cater sculeies à venciù tl cuncors scolastich de scrì ladin
USP – Al valor culturel de nosc raion tla Dolomites fova dedicà l cuncors de scrì per ladin per la scoles dla provinzia de Bulsan y de Trënt. Tla trëi categuries à venciù Stefano Rizzi dla Scola auta de Poza, Maximilian Palfrader dla scola mesana de Al Plan y Emilia Bonata y Tatjana Runggaldier dl’elementera de Sëlva. La premiazion unirà tenida ai 29 de auril te Sëlva.
“Dolomites – patrimone UNESCO: le valor culturel de nosc raion” fova l titul dl cuncors de leteratura per ladin scrit ora per sculeies de Gherdëina, Badia y Fascia.
La giuria dl cuncors, metuda adum da Roland Verra, Leander Moroder, Nanni Pellegrini, Evelyn Bortolotti y Erna Flöss à (INIER) ai 12 de auril valutà i scric mandei ite. “I lëures ie caraterisei da na gran richëza de formes espressives” à sorissà la giuria. L ie unì mandà ite cuntedes, pec de teater, poejies, cianties y nchinamei vel video. La pert visuela de chisc lëures ie stata particularmënter rica cureda cun soluzions tecniches scialdi bones per l livel dla scoles.
Criteries de valutazion ie stai la uriginanlità di lëures tenian cont dl livel dla rujeneda ladina. “Cun chësc cuncors iel unì sorissà la mpurtanza dla Dolomites che vën sentida sciche valor de fundamënta dl’identità ladina” dij l ntendënt Roland Verra.
La premiazion dl lëures unirà tenida ai 29 de auril, dala 10 danmesdì tla sënta dl Istitut Ladin Micurà de Rü, te Sëlva. Sciche pesc’ uniral sëurandat bonns da cumpré material de scola, libri o d’autri media de carater culturel-artistich.
SCOLA AUTA
1. Stefano Rizzi -Scora Alta Poza
2. Filippo Frontull - Lizeo Linguistich La Ila
3. David Cristelli, Andrea Dell’ Antonio, Vanessa Tomasi - Scora Alta Poza
4. Marco Granruaz, Manuel Valentin – Scora Alta La Ila
5. Jessica Pitschieler –ITC Raetia Urtijëi
SCOLA MESANA
1. Maximilian Palfrader – Al Plan
2. Nadia Mahlknecht, Hanna Da Cudan, Silvia Moroder – Urtijëi
3. Lukas Demetz / Simon Rabanser – Urtijëi
4. Sandra Troi, Sophie Prinoth – Urtijëi
5. Nadine Rubatscher y Melanie Comploi – S.Martin
6. Aaron Moroder / Samuel Walpoth / Janluca Kostner – Urtijëi
7. Arianna Daporta, Lisa Irsara, Cristina Delmonego – La Ila
8. David Pitschieler, Benjamin Kasslatter – Urtijëi
SCOLA ELEMENTERA
1. Emilia Bonata y Tatjana Runggaldier – Sëlva
2. Jasmin Triggiano, Anna Trebo y Asia Rungger – Al Plan
as
