Atualità
Sustëni ai chemuns ujins, ma cun la Provinzia a una
USP - 40 milion ie unic udui dant dal’acurdanza de Milan danter Stat y Provinzia per chemuns ujins ala Provinzia de Bulsan. Chisc vën aministrei da na gestion a pert. “L’aministrazion de chisc scioldi muessa unì fata a una cun la Provinzia. Ajache chësc ne vën nia fat, messons se paré cun aucac” à dit l presidënt dla Provinzia Durnwalder.
Tl cheder dl’acurdanza de Milan, se à la Provinzia de Bulsan sëurantëut de sustenì cun 40 milion de euro programs per chemuns dla provinzies ujines. Chisc scioldi vën spartì da na aministrazion a pert, ma co che i 40 milion dëssa unì nuzei ie aldò dl’acurdanza da fé ora cun la Provinzia de Bulsan.
“Per l’aministrazion dëssel al plu unì adurvà 0,6% dla 40 milion de euro. Ma per nëus ne se tratela nia tan de chisc 0,6%, ma dl prinzip che la Provinzia de Bulsan ne ie nia unida damandeda canche l ie unì fat ora chësta perzentuela” spiega l presidënt dla Provinzia Luis Durnwalder. La Provinzia se prejenterà śën dan la suneria aministrativa per fé recurs contra chësta dezijion y per fé valëi l prinzip dl cunsëns.
as
