Atualità
Jonta provinziela: Forma nternaziunela per la tofles da mont
USP – La tofles di troies da mont dëssa cialé ora sciche ti autri paejes dl’Elpes. La Jonta provinziela à ntan si tlausura azetà la pruposta dl assessëur Berger de sëurantò standards nternaziunei.
La tofles di troies da mont dëssa nce tl Südtirol unì fates de aluminium, de culëur ghiel y cun la scrita foscia. “Dessegur ie la tofles de lën plu beles, ma les ne tën nia giut y tofles che n ne se vëija nia ora y che n stënta a liejer ne ie nia de gran utl” à dit l presidënt dla Provinzia tla cunferënza stampa (NCUEI) ai 22 de auril. I assessëures ie nce stai a una che sun la montes iel true’ massa tofles, perchël nen uelen tò demez. La tofles dëssa me plu unì metudes su ulache scumëncia n troi y pra la desviedes, sun l troi nstës dëssa basté l numer dl troi marcà sun n sas o sun n lën.
N cont dl traduzion di inuemes sun la tofles à l presidënt Durnwalder lecurdà de avëi dat la parola al minister ala regions Raffaele Fitto de nia fé al savëi publicamënter la prupostes nchin che la tratatives ne ie nia finedes via.
as
