Atualità
Lëures sun la streda de Gherdëina per seguré l crëp de Puntives
USP – Chisc dis vëniel scumencià i lëures per fé sun n gran mur dedora da Puntives per tenì su l rone sëura streda. L Servisc provinziel per la stredes tl raion Salten Scilier fej chësc mur a na maniera da scunjeré l pericul che tome ju sasc. Ntan i lëures saral for inò de bujën de fermé i auti. Nchin tla segonda ena de mei puderan me passé te una direzion al iede.
Plu iedesc iel tl raion de Puntives bele stat debujën dl ntervënt dl Servisc provinziel per la stredes, riesc dedora dal raion de produzion. “L prim lëur ie śën n iede de rumé ju l parëi per pudëi pona fé su n mur de sas” spiega Cesarino Zamboni dl servisc ala stredes per l raion Salten-Scilier. L vën laurà sun na lunghëza de feter 300 metri sëura pert de streda. Cun l mur de sas vëniel fermà l rone a na maniera da garantì plu segurëza a chëi che passa sun streda.
Ntan i lëures iel danter la 8 da duman y la 7 da sëira for inò debujën de fermé i auti. Sëuraprò puderan nchin ala segonda ena de mei me passé te una direzion al iede.
as
