Atualità
Provinzia y chemuns per na cumiscion sun la chëuta turistica
USP – La Provinzia y i chemuns uel mëter a jì da nuef l finanziamënt dla urganisazions turistiches, te ce forma iel mo da udëi, tler iel che l muessa respeté i bujëns dla situazion. Riesc do l’ancunteda danter Jonta provinziela y l cunsëi di chemuns, à l presidënt Durnwalder (inier) ai 28 de auril cunedì che la regulamentazion nueva unirà bonamënter nvieda via cun la lege finanziera.
A livel naziunel saral tres dl federalism dla chëutes prësc mesun mëter su nce na chëuta turistica. Te la senteda dl 18 de auril fova la Jonta provinziela stata de chëla che la regulamentazion statela ne posse nia unì sëurantëuta tla Provinzia autonoma y śën à nce l Cunsëi di chemuns prejentà n bënsté che la regulamentazion statela ne muessa nia unì sëurantëuta tl Südtirol.
La Provinzia y i chemuns ie a una che l ie debujën de na forma nueva per finanzië la urganisazions turistiches. “Co che vën metù a jì chësta regulamentazion ie permò da udëi. L pudëssa deventé na sort de chëuta de sujurnanza. Ma nchin che unirà fata la lege finanziera nueva muessel unì abinà na forma nueva de finanziamënt. Plu abenëura ne ie nia realistich” à dit l presidënt Durnwalder.
as
