Atualità
Sustëni per cuatieres ti zëntri di majeri luesc
USP – Mpede udëi dant raions nueves per frabiché cuatieres, sustën la Provinzia i ressanamënc de vedla cëses ti zëntri di luesc. La Jonta provinziela à (ncuei) ai 2 de mei dat pro de sustenì nce segondi o terzi cuatieres sce i vën cunvenzionei y lascei via al fit provinziel. A chësta maniera uelen valorisé i zëntri y smëndrì l’espanscion di luesc.
I Chemuns à bele la puscibltà de sëurandé de plu cubatura ti zëntri per no mussei udëi dant raions nueves da frabiché cuatieres. La Provinzia sustën l ressanamënt de cuatieres ti zëntri cun 49.000 euro sce l se trata dl prim cuatier. La Jonta provinziela à śën dat pro de dé chësc cuntribut nce per ressané n segondo o terzo cuatier, a cundizion che l vënie cunvenzionà y che l vënie fità al fit provinziel. Sëuraprò a valorisé i zëntri y nia frabiché te raions nueves, se sparania la Provinzia a chësta maniera nce l cuntribut al fit. “Chësc sustëni nuef puderà unì damandà te duc i chemuns cun passa 5.000 zitadins” à dit Luis Durnwalder do la senteda dla Jonta.
as
