Atualità
Jonta provinziela: lecurdé la “nuet di fuesc” cun n na manifestazion de descuscion
USP – I 50 ani dala “nuet di fuesc” dëssa pité ucajion per se de ju cun nosta storia y per fé na descuscion. Cun chësc pensier à la Jonta provinziela (ncuei) ai 2 de mei dat pro de mëter a jì na sëira de descuscion ai 9 de juni 2011.
Esperc dëssa ai 9 de juni 2011 prejenté na vijion nternaziunela dla situazion dan 50 ani cun i atentac y si cunseguënzes. Dal 11 ai 12 de juni 1961 fovel unì stlupetà feter 40 stendri dal strom.
Storics y reprejentanc dla trëi grupes de rujeneda, di tudësc, taliani y ladins dëssa tò posizion y prejenté na basa de descuscion cun duc i nteressei ntan la manifestazion. “La sëira dëssa unì metuda a jì te na luegia adateda che sorissea nce l valor y la prufescionalità, nsci iesen stai a una de l fé tla strutures dl’università” à dit Durnwalder do la senteda dla Jonta.
as
