Atualità
Cundizions dla Jonta provinziela per mulins dal vënt
USP – La forza dl vënt possa tl Südtirol unì adurveda per la produzion de strom sce l vën tenì ite la cundizions aldò. Chësc à la Jonta provinziela (ncuei) ai 16 de mei dat pro, fajan nsci n var inant tl cunzet dl program tlima, dat pro l’ena passeda.
Davia che i mplanc per nuzé la forza dl vënt ie da udëi tla cuntreda, ie i assessëures provinziei stai a una sun na lingia de cundizions per lascé fé su de tei mplanc. Dantaldut muessel vester assé da vënt, cun n valor mesan de 5 metri al secunt, muserà a 30 metri de autëza. “Chisc valores ie da abiné te cin lueges tl Südtirol: tl raion de Mals, sun l Prëner, a Vals y te doi lueges orainsom de Puster” à dit l presidënt Durnwalder.
Sëuraprò a tan de vënt che l tira, ne lascia la Jonta provinziela nia fé te dei mplanc ti parcs naturei, ti raions Natura-2000, ti raions recunesciui dal’Unesco, sëura 2500 metri de autëza y nia te raions abitei y japé dla valedes.
as
