Atualità
L Museum Ladin gëura ai 27 de mei na mostra sun la ferata de Gherdëina
USP – La ferata de Gherdëina giapa chëst ann, 50 ani do che la fova unida tëuta demez, na valorisazion particulera. L Museum Ladin Ciastel de Tor gëura n vënderdi ai 27 de mei na mostra dedicheda a lecorc y vijions ntëur chësc mesun de trasport, documentan arjontes de chëi tëmps che à fat mudé Gherdëina. La giaurida sarà dala 6 da sëira a San Martin de Tor.
Tulan l’ispirazion da na storia dl ann 1961, canche la ferata de Gherdëina fova furneda l’ultimo iede, à l Museum Ladin ntitulà la mostra “Scibla mo n iede, la ferata de Gherdëina danter lecorc y vijions”. L sarà da udëi la proietazions fates dan feter 100 ani, documentazions dl frabiché y la tapes dla ferata che ie furneda dal 1916 per 44 ani. De nteres particuler ie la vijions che bera Josef Rifesser da Stufan (Urtijëi) ova abù te chëi tëmps. Ntlëuta fovel stat gran nteres per na ferata da Bulsan a Cortina, Rifesser ulova la fé passé tres Gherdëina. La vijions che n ova bele dan n secul, possa tla mostra a S. Martin unì paredledes a doi proiec de na ferata dal didancuei. Da udëi saral nce doi modiei, un dla ferata de Gherdëina y un de chëla de Renon fata su ti medemi tëmps.
Culaburadëures di media ie nviei ala giaurida dla mostra sun la ferata de Gherdëina
n vënderdi 27 de mei
dala 18.00
tl Museum Ladin Ciastel de Tor a San Martin de Tor.
La giaurida unirà tenida da Othmar Parteli, diretëur dla Repartizion di Museums, dal presidënt dl cumité scientifich Heinrich Huber, dal diretëur dl museum Stefan Planker deberieda cun Elfriede Perathoner.
as
