Atualità
Bonus de cubatura dl Stat me cun ressanamënt energetich
USP – La Jonta provinziela uel sëurantò l bonus de cuabatura udù dant dal Stat ma me sce l vën nce fat n ressanamënt per sparanië energia. “Chësc pruvedimënt dëssa nce purté vantajes al ambient y ala cumenanza” à sorissà (ncuei) ai 23 de mei l presidënt Durnwalder do la senteda dla Jonta provinziela.
Danter i pruvedimënc dl decret statel sun l svilup economich iel nce l bonus de cubatura che tla provinzia de Bulsan ie bele udù dant per chëi che fej n ressanamënt dla cësa aldò dla categuries “Cësa Tlima”. La Provinzia dà n bonus de 200 metri de cubatura che à n majer pëis per na pitla cësa permez a n majer condominium. Chësc bonus unirà adatà al pruvedimënt dl Stat che vëija dant n bonus de 20% dla cubatura che ie bele.
Sun pruposta dl assessëur al’energia Michl Laimer à la Jonta provinziela dat pro che l bonus de 20% vën me dat sce l vën fat n ressanamënt per sparanië energia. Tl cajo de majera cëses possel fé ora n partimënt sëuraprò y nscì iel na majera sburdla per fé lëures che fej sparanië energia.
as
