Atualità
Mesurazions sun la stredes de Frea y dla Val Badia
USP – Chisc dis vëniel sun la streda dl jëuf de Frea, dala pert de Corvara y sun la streda dla Val Badia jit inant a museré l deslivel. Ntan chisc lëures, che ie udui dant nchin ai 17 de juni iel da fé cont che la streda messerà uni tant unì sareda de fin o che l sarà a aspité pra n semafer.
La mesurazions vën fates sun duta la streda de Frea da pert de Corvara y sun la streda dal Val Badia. Da pert dl Ufize provinziel per mesurazions geografiches vëniel laurà deberieda cun l Istituto Georograficao Militare de Firenze. Sun uni chilometer iel debujën de registré n pont de livel per pudëi museré l deslivel. La rë de linies d’autëza ie tl Südtirol unì atualisà l ultimo iede dan 55 ani. Dl 2009 oven scumencià a museré ora da nuef feter 700 chilometri de linies de autëza.
Ntan la mesurazion sun la streda dl Jëuf de Frea y sun la streda dla Val Badia puderan danter la 7 y la 12, y pona dala 13 ala 18 me passé te una direzion al iede.
as
