Atualità
Jonta spënj i planns di raions de pericul
USP – La Jonta provinziela de Bulsan à spënt de 5 ani la data nchin a canche i chemuns muessa avëi anjenià si planns di raions de pericul. I assessëures provinziei ie stai a una de dé do ala dumanda di Cunsëi di chemuns sce da si pert vëniel fat na lista de priorità cun i chemuns cun periculi.
L plann di raions de pericul dëssa per uni chemun mustré su ulache l ie pericul de vel fenomenn naturel sciche smueies o levines. Nchinamò a me doi chemuns dl Südtirol njenià chësc plann. Chël uel di che mancia mo 114 chemuns che ne abina nia i tecnics aldò y che ne ti ie perchël nia. L Cunsëi di chemuns se ova damandà de spënjer l data per chisc planns de 7 ani. “Sce, pona dëssel unì fat n bon lëur y perchël ons dat pro de spënjer la data de 5 ani” à cunedì l presidënt Luis Durnwalder (ncuei) ai 20 de juni. La Jonta provinziela ti dà do ai chemuns sce l vën njenià na lista de priorità cun i chemuns ulache l ie i majeri periculi. Chësc ie de utl per respuender al Stat y ala Comunità europea. L spënjer dla data deventerà ufiziel te chëla che la lege aldò sarà data pro. L finanziamënt de chisc plann di raions de periculi vën sustenì dal 30 al 50% dala Provinzia de Bulsan.
as
